ಬಜಾಜ್ ಆಟೋ ಲಿಮಿಟೆಡ್ ಭಾರತೀಯ ದ್ವಿಚಕ್ರ ವಾಹನ ಮತ್ತು ಮೂರು ದ್ವಿಚಕ್ರ ತಯಾರಿಕಾ ಕಂಪನಿಯಾಗಿದೆ. ಬಜಾಜ್, ಸೈಕಲ್, ಸ್ಕೂಟರ್ ಮತ್ತು ಆಟೋ ರಿಕ್ಷಾಗಳನ್ನು ತಯಾರಿಸುತ್ತದೆ ಮತ್ತು ಮಾರುತ್ತದೆ. ಬಜಾಜ್ ಆಟೋ ಬಜಾಜ್ ಸಮೂಹದ ಒಂದು ಭಾಗವಾಗಿದೆ. ಈ ಕಂಪನಿಯನ್ನು ೧೯೩೦ ರಲ್ಲಿ ಜಮ್ನಲಾಲ್ ಬಜಾಜ್ ರವರು ರಾಜಸ್ಥಾನದಲ್ಲಿ ಸ್ಥಾಪಿಸಿದರು. ಇದರ ಮುಖ್ಯ ಕಛೇರಿ ಪುಣೆ, ಮುಂಬಯಿ ನಲ್ಲಿದೆ, ಇದು ಉತ್ತರಾಖಂಡದ ಪಟ್ನಾಗರ್, ಚಕನ್, ವಾಲಜ್ಗಳಲ್ಲಿ ತನ್ನ ತಯಾರಿಕಾ ಘಟಕವನ್ನು ಹೊಂದಿದೆ. ಅಕುರ್ಡಿಯಲ್ಲಿನ ಹಳೆಯ ಘಟಕ ಈಗ ಕ೦ಪನಿಯ ಆರ್ & ಡಿ ಕೇಂದ್ರವಾಗಿದೆ. ಬಜಾಜ್ ವಿಶ್ವದ ಮೂರನೇ ಅತಿದೊಡ್ಡ ದ್ವಿಚಕ್ರ ವಾಹನ ತಯಾರಕ ಮತ್ತು ಭಾರತದ ಎರಡನೇ ಅತಿದೊಡ್ಡ ತಯಾರಕ ಕ೦ಪನಿ. ಇದು ವಿಶ್ವದ ಅತಿದೊಡ್ಡ ತ್ರಿಚಕ್ರ ವಾಹನ ಉತ್ಪಾದಕ ಕ೦ಪನಿಯಾಗಿದೆ. ಮಾರ್ಚ್ ೨೦೧೩ ೩೧ ರಲ್ಲಿ, ಇದರ ಮಾರುಕಟ್ಟೆ ಬಂಡವಾಳವು ರೂಪಾಯಿ ೫೨೦ ಶತಕೋಟಿ ಯಾಯಿತು, ಇದರಿ೦ದ ಬಜಾಜ್ ಮಾರುಕಟ್ಟೆ ಮೌಲ್ಯದಿಂದ ವ್ಯವಾಹಾರ ಮಾಡುವ ಭಾರತದ ೨೩ ದೊಡ್ಡ ಸಾರ್ವಜನಿಕ ಉದ್ದಿಮೆ ಕಂಪೆನಿಯಾಯಿತು. ೨೦೧೨ರಲ್ಲಿ ಫೋರ್ಬ್ಸ್ ಗ್ಲೋಬಲ್ ೨೦೦೦ ಪಟ್ಟಿಯಲ್ಲಿ ಬಜಾಜ್ ೧, ೪೧೪ ಸ್ಥಾನ ಪಡೆಯಿತು. ಬಜಾಜ್ ಎಂ/ಎಸ್ ಬಚರಾಜ್ ಟ್ರೇಡಿಂಗ್ ಕಾರ್ಪೊರೇಷನ್ ಪ್ರೈವೇಟ್ ಲಿಮಿಟೆಡ್ ಹೆಸರಿನಲ್ಲಿ ೨೯ ನವೆಂಬರ್ ೧೯೪೫ ರಂದು ಅಸ್ತಿತ್ವಕ್ಕೆ ಬಂದಿತು. ಇದು ಭಾರತದಲ್ಲಿ ಆಮದು ಮಾಡಿಕೊ೦ಡ ಎರಡು ಮತ್ತು ಮೂರು ಚಕ್ರದ ವಾಹನಗಳ ಮಾರಾಟದ ಮೂಲಕ ಪ್ರಾರಂಭವಾಯಿತು. ೧೯೫೯ ರಲ್ಲಿ, ಇದು ಭಾರತ ಸರ್ಕಾರದಿ೦ದ ದ್ವಿಚಕ್ರ ಮತ್ತು ಮೂರು ಚಕ್ರಗಳ ವಾಹನಗಳನ್ನು ತಯಾರಿಸಲು ಪರವಾನಗಿ ಪಡೆಯಿತು, ಮತ್ತು ಇದು ೧೯೬೦ರಲ್ಲಿ ಸಾರ್ವಜನಿಕ ನಿಯಮಿತ ಕಂಪೆನಿ ಆಯಿತು. Wikipedia