பெர்க்சயர் ஹாதவே என்பது அமெரிக்காவின் நெப்ராஸ்கா மாநிலத்தை சேர்ந்த ஒமாகா என்கிற நகரத்தை தலைமையகமாகக் கொண்டு செயல்படும் பல நிறுவனங்கள் சேர்ந்த ஒரு கூட்டு ஸ்தாபனம் ஆகும். இந்த ஸ்தாபனம் ஏராளமான துணை நிறுவனங்களை நிர்வகிப்பிலும் மேற்பார்வையிலும் கொண்டிருக்கிறது. கடந்த 44 வருடங்களாக தனது பங்குதாரர்களுக்கு ஆண்டு சராசரியாக புத்தக மதிப்பில் 20.3% வளர்ச்சியை இந்நிறுவனம் அளித்து வந்துள்ளது. பெரும் அளவிலான மூலதனம் மற்றும் குறைந்த அளவிலான கடன் துணையுடன் இதனைச் செய்துள்ளது. 2000-2010 காலத்தில் பெர்க்சயர் ஹாதவே பங்குகள் மொத்த வருவாயாக 76% ஈந்தன. வாரன் பபெட் தான் இந்நிறுவனத்தின் தலைவராகவும் தலைமை நிர்வாக அதிகாரியாகவும் இருக்கிறார். பெர்க்சயர் ஹாதவே காப்பீட்டுச் செயல்பாடுகளில் இருந்து கிடைக்கும் “மிதவைப் பணத்தை” தனது முதலீடுகளுக்கு நிதியாதாரமாக பயன்படுத்தியுள்ளார். பெர்க்சயர் நிறுவனத்தில் தனது ஆரம்ப காலத்தில், பொது வெளியீட்டுப் பங்குகளில் நீண்ட கால முதலீடுகளில் மட்டுமே அவர் கவனம் செலுத்தினார். ஆனால் மிக சமீபமாக மொத்த நிறுவனங்களையும் வாங்குவதை நோக்கி அவர் திரும்பியுள்ளார். Wikipedia