ഫിൻലൻഡിലെ ഏറ്റവും വലിയ എയർലൈനും പതാകവാഹക കാരിയറുമാണ് വണ്ടായിൽ ആസ്ഥാനമുള്ളതും ഹെൽസിങ്കി-വണ്ടാ എയർപോർട്ടിൽ പ്രധാന ഹബ്ബുമുള്ള ഫിൻ എയർ. ഫിൻ എയറും അതിൻറെ അനുബന്ധ എയർലൈനുകളുമാണ് ഫിൻലൻഡിലെ ആഭ്യന്തര അന്താരാഷ്‌ട്ര വ്യോമ ഗതാഗതത്തിൽ മുന്നിട്ടുനിൽക്കുന്നത്. 55.8 ശതമാനം ഷെയർ ഉള്ള ഫിൻലാൻഡ്‌ സർക്കാരാണ് ഫിൻ എയറിൻറെ പ്രധാന ഓഹരിഉടമ. വൺവേൾഡ് എയർ അലയൻസിൽ അംഗമാണ് ഫിൻ എയർ. 2015-ൽ 60 യൂറോപ്പിയൻ, 13 ഏഷ്യൻ, 4 നോർത്ത് അമേരിക്കൻ ലക്ഷ്യസ്ഥാനങ്ങളിലേക്ക് 10 മില്യൺ യാത്രക്കാരെ ഫിൻ എയർ എത്തിച്ചു. ജനുവരി 2016-ലെ കണക്കനുസരിച്ചു 4817 പേര് ഫിൻ എയറിൽ ജോലി ചെയ്യുന്നുണ്ട്. 1963 മുതൽ ഒരു അപകടവും വരാത്ത ഫിൻ എയർ എയർലൈൻസ് തുടർച്ചയായി ലോകത്തെ ഏറ്റവും സുരക്ഷിതമായ എയർലൈനുകളുടെ പട്ടികയിൽ വരുന്നു. Wikipedia