వోడాఫోన్ ఐడియా లిమిటెడ్ ఒక భారతీయ టెలికం నిర్వహణదారు. దీని ప్రధాన కార్యాలయం మహారాష్ట్రలోని ముంబై, గుజరాత్ లోని గాంధీనగర్ లలో ఉంది. వోడాఫోన్ ఐడియా అనేది భారతదేశమంతట విస్తృతి ఉన్న జిఎస్ఎమ్ నిర్వహణదారు. వొడాఫోన్, ఐడియా అనే రెండు బ్రాండ్ల క్రింద 2జి, 3జి, 4జి, 4జి +, వోల్టే సేవలను చరవాణులకు అందిస్తోంది. దేశవ్యాప్తంగా ఉన్న కేంద్రాల ద్వారా వోడాఫోన్ ఐడియా చరవాణి చెల్లింపులు, ఐఒటి, ఎంటర్ప్రైజ్ సమర్పణలు, వినోదం, డిజిటల్ ఛానెల్స్, ఆన్-గ్రౌండ్ టచ్ పాయింట్స్ సేవలు అందిస్తోంది. 31 డిసెంబర్ 2019 నాటికి, వోడాఫోన్ ఐడియా 33.26 కోట్ల వినియోగదారులను కలిగి ఉంది. భారతదేశంలో రెండవ అతిపెద్ద మొబైల్ టెలికమ్యూనికేషన్ నెట్‌వర్క్ అని, ప్రపంచంలో ఐదవ అతిపెద్ద టెలికమ్యూనికేషన్ నెట్‌వర్క్ చెప్పవచ్చు. వోడాఫోన్ ఐడియా 340,000 సైట్ల బ్రాడ్‌బ్యాండ్ నెట్‌వర్క్‌ను కలిగి, 17 లక్షల రిటైల్ అవుట్‌లెట్లలో సేవలు అందిస్తోంది. 31 ఆగస్టు 2018 నాటికి వొడాఫోన్ ఇండియా, ఐడియా సెల్యులార్‌లో విలీనం అయ్యి వోడాఫోన్ ఐడియా లిమిటెడ్‌గా పేరు మార్చబడింది. అయినప్పటికీ, విలీనం చేయబడిన సంస్థ ఐడియా, వోడాఫోన్ రెండింటినీ బ్రాండ్స్ గా వాడుతోంది. ప్రస్తుతం వొడాఫోన్ గ్రూప్ సంయుక్త సంస్థలో 45.1%, ఆదిత్య బిర్లా గ్రూప్ 26% వాటాను కలిగి మిగిలిన వాటాలను ప్రజలకు పంచారు. Wikipedia