ಡಾ. ರೆಡ್ಡೀ'ಸ್‌ ಲ್ಯಾಬೋರೇಟರೀಸ್‌ ಲಿ. ಅನ್ನು ೧೯೮೪ರಲ್ಲಿ ಡಾ. ಕೆ. ಅಂಜಿ ರೆಡ್ಡಿಯವರು ಸ್ಥಾಪಿಸಿದರು. ಅದು ಈಗ ಭಾರತದ ಎರಡನೇ ದೊಡ್ಡ ಔಷಧಿ ಕಂಪನಿ ಆಗಿದೆ. ಡಾ. ಅಂಜಿ ರೆಡ್ಡಿಯವರು ಹೈದರಾಬಾದ್‌ನಲ್ಲಿರುವ ಸಾರ್ವಜನಿಕ ಒಡೆತನದ ಭಾರತೀಯ ಔಷಧ ಮತ್ತು ಔಷಧೀಯ ಲಿಮಿಟೆಡ್‌ನಲ್ಲಿ ಕೆಲಸ ಮಾಡಿದ್ದರು. ರೆಡ್ಡೀ'ಸ್‌ ಭಾರತ ಮತ್ತು ಹೊರದೇಶಗಳಲ್ಲಿ ವಿಶಾಲ ಶ್ರೇಣಿಯ ಔಷಧೀಯ ವಸ್ತುಗಳ ತಯಾರಕರು ಮತ್ತು ಮಾರಾಟಗಾರರು. ಕಂಪನಿಯು ಸುಮಾರು ೧೯೦ ಔಷಧವಸ್ತುಗಳು, ಔಷಧ ತಯಾರಿಕೆಗೆ ೬೦ ಕ್ರಿಯಾಶೀಲ ಔಷಧೀಯ ಅಂಶಗಳು, ರೋಗನಿದಾನದ ಕಿಟ್‌ಗಳು, ಕ್ರಿಟಿಕಲ್‌ ಕೇರ್‌ ಮತ್ತು ಜೈವಿಕತಂತ್ರಜ್ಞಾನದ ಉತ್ಪನ್ನಗಳನ್ನು ತಯಾರಿಸುತ್ತದೆ. ಡಾ. ರೆಡ್ಡೀ'ಸ್ ಮೊದಲು ಭಾರತೀಯ ಔಷಧ ತಯಾರಕರಿಗೆ ಪೂರೈಕೆದಾರರಾಗಿ ಉದ್ಯಮವನ್ನು ಆರಂಭಿಸಿದರು. ಆದರೆ ಬಹುಬೇಗನೆ ಕಡಿಮೆ-ನಿಯಂತ್ರಣದ ಬೇರೆ ಮಾರುಕಟ್ಟೆಗಳಿಗೆ ರಫ್ತು ಮಾಡಲಾರಂಭಿಸಿದರು. ಯು.ಎಸ್‌. ಫುಡ್ ಆಂಡ್ ಡ್ರಗ್ ಅಡ್ಮಿನ್‌‌ಸ್ಟ್ರೇಶನ್‌ ಅಂತಹ ಔಷಧ ಪರವಾನಗಿ ಅಂಗದಿಂದ ತಯಾರಿಕಾ ಘಟಕಕ್ಕೆ ಮಂಜೂರಾತಿ ಪಡೆಯಲು ಸಮಯ ಮತ್ತು ಹಣ ಖರ್ಚು ಮಾಡಲು ಅಸಾಧ್ಯವಾದ ಇಂತಹ ಮಾರುಕಟ್ಟೆಗಳಿಗೆ ಡಾ. ರೆಡ್ಡೀ'ಸ್ ರಫ್ತು ಮಾಡಲಾರಂಭಿಸಿದರು. ೧೯೯೦ರ ಆರಂಭದಲ್ಲಿ, ಈ ಅನಿಯಂತ್ರಿತ ಮಾರುಕಟ್ಟೆಗಳಿಂದ ದೊರೆತ ಲಾಭ ಮತ್ತು ವಿಸ್ತಾರಗೊಂಡ ಮಾರುಕಟ್ಟೆ ವ್ಯಾಪ್ತಿಯಿಂದಾಗಿ ಕಂಪನಿಗೆ ಔಷಧ ನಿಯಂತ್ರಕರಿಂದ ತಮ್ಮ ಔಷಧಸೂತ್ರಗಳಿಗೆ ಮಂಜೂರಾತಿ ಪಡೆಯುವುದರ ಮೇಲೆ ಮತ್ತು ಬೃಹತ್ ಔಷಧ ತಯಾರಿಕಾ ಘಟಕಗಳ ಮೇಲೆ ಗಮನ ಕೇಂದ್ರೀಕರಿಸಲು ಸಾದ್ಯಮಾಡಿತು. ಇದು ಅವರಿಗೆ ಕ್ರಮೇಣ ಯುಎಸ್‌ ಮತ್ತು ಯೂರೋಪ್‌ನಂತಹ ನಿಯಂತ್ರಿತ ಮಾರುಕಟ್ಟೆಗಳನ್ನು ಪ್ರವೇಶಿಸಲು ಸಾಧ್ಯಮಾಡಿತು. ೨೦೦೭ರ ಸುಮಾರಿಗೆ, ಡಾ. Wikipedia