Kapag gumawa ka ng grupo, magkakaroon ng parehong kulay ang lahat ng tab sa iyong grupo. Puwede kang magtakda ng iba't ibang kulay sa iba't ibang grupo para mas mabilis na mahanap ang mga ito. I-click lang ang bilog sa tabi ng iyong grupo ng tab para maglagay ng pangalan at pumili ng kulay.

1. Mag-right click sa bilog na may kulay sa tabi ng grupo ng tab na gusto mong pangalanan.
2. Maglagay ng pangalan para sa grupo ng tab.
3. Pumili ng kulay para sa grupo ng tab.

Isang simpleng pag-click lang ang kailangan para mag-collapse ng grupo ng tab kapag kailangan mo pa ng espasyo. Mag-click lang nang isang beses sa pangalan ng iyong Grupo ng Tab para i-collapse, pagkatapos ay mag-click ulit dito para buksan ulit.

1. Para palawakin o i-collapse ang isang grupo ng tab, i-click ang pangalan nito o ang bilog na may kulay.

Madaling baguhin ang pagkakaayos ng mga grupo ng tab. I-click at i-hold nang matagal ang pangalan ng iyong Grupo ng Tab at i-drag ito sa gustong lugar.

1. Mag-click at mag-drag ng pangalan ng grupo ng tab o bilog na may kulay para ilipat ang buong grupo.

Huwag mag-aksaya ng panahon sa pag-click sa bawat tab para i-bookmark ang mga ito. Sa Chrome, puwede mong i-bookmark ang lahat ng iyong nakabukas na tab sa pamamagitan lang ng pag-click sa Mga Bookmark sa menu mo at pagpili sa I-bookmark ang Lahat ng Tab.

1. Sa kanang bahagi sa itaas, i-click ang Higit pa .
2. I-click ang Mga Bookmark.
3. I-click ang I-bookmark ang Lahat ng Tab.

Sa Chrome, puwede mong itakdang awtomatikong bumukas ang mga page na pinupuntahan mo sa tuwing binubuksan mo ang iyong browser.

1. Sa kanang bahagi sa itaas, i-click ang Higit pa .
2. I-click ang Mga Setting.
3. Sa ilalim ng “Sa Startup," i-click ang Magbukas ng partikular na page o hanay ng mga page.

Makatipid ng oras sa pagsusuri sa napakaraming text at maghanap ng partikular na salita o parirala.

1. Sa kanang bahagi sa itaas, i-click ang Higit pa .
2. I-click ang Maghanap.
3. Ilagay ang text na gusto mong hanapin.