Mipangilio ya Akaunti ya Google
Unaweza kuchagua Zana za Kuingiza Data au ubadilishe mipangilio yake katika Mipangilio ya Akaunti yako ya Google. Usanidi wako utatumika katika bidhaa zote za Google.
Ili ubadilishe Zana za Kuingiza Data katika Mipangilio ya Akaunti ya Google, fuata hatua hizi:
- Nenda kwenye "Lugha" → "Zana za Kuingiza Data" → "Badilisha".
- Katika kidadisi kinachotokea cha "Mipangilio ya Zana za Kuingiza Data", chagua zana
ya kuingiza data ambayo ungependa kutumia.
- Unukuzi wa mfumo wa kuandika na Programu Inayotambua Mbinu za Kuingiza Data (IME) zinawakilishwa na herufi kutoka lugha husika, kama vile kwenye unukuzi wa mfumo wa kuandika wa Kimarathi na kwa Programu Inayotambua Mbinu za Kuingiza Data ya Pinyin ya Kichina.
- Kibodi pepe zinawakilishwa na ikoni ya kibodi .
- Mbinu za Kuingiza Data kwa Kuandika kwa Mkono huwakilishwa kwa ikoni ya kalamu.
- Badilisha mipangilio yako na ubofye "Hifadhi".
Kwa sasa, tunatoa mipangilio mitatu:
- Onyesha/ficha kibodi ya skrini
- Onyesha/ficha sehemu ya kuonyesha hali. Mipangilio hii itatumika kote kwenye Programu Inayotambua Mbinu za Kuingiza Data (IME) ya Pinyin, Wubi, Cangjie, Zhuyin, Kikantoni za Kichina.
- Sawazishaji/usisawazishe kamusi ya mtumiaji. Kamusi yako ya mtumiaji huhifadhi maneno ambayo umeingiza hivi karibuni ukitumia zana zetu na husaidia kuboresha usahihi kwa ajili ya kubadilisha katika siku zijazo. Unapowasha usawazishaji, utasawazisha kamusi yako katika bidhaa za Google (kama vile Android, Gmail, na Hifadhi ya Google). Kwa sasa, kamusi ya mtumiaji inaweza kutumika kwa Programu Inayotambua Mbinu za Kuingiza Data (IME) ya Pinyin ya Kichina pekee.